मराठी भाषा विभाग/प्रशासकीय

मा. श्री सुभाष देसाई, मंत्री, मराठी भाषा विभाग, महाराष्ट्र राज्य

शिवसेना नेते श्री. सुभाष देसाई यांचा जन्म १२ जुलै १९४२ रोजी कोकणातील मालगुंड या गावात झाला. गोरेगाव ही त्यांची कर्मभूमी. समाजकारणाची आणि राजकरणाची सुरुवात त्यांनी गोरेगावमधूनच केली. त्यांच्या कामाच्या झपाट्यामुळे, कल्पकतेमुळे ते गोरेगावात लवकरच लोकप्रिय झाले. गोरेगावच्या विकासाचा ध्यास त्यांनी सतत घेतला आणि तो केला देखील...

मा. डॉ. विश्वजीत पतंगराव कदम, राज्यमंत्री, मराठी भाषा विभाग, महाराष्ट्र राज्य

शिक्षण: बी. ई.; एम. बी. ए.; पीएच.डी.

  • महाराष्ट्रातील एक तरुण, उच्चविद्याविभूषित राजकीय नेतृत्व. सहकार, शिक्षण, क्रीडा या क्षेत्रांतील विविध संस्थांच्या अधिकार पदी कार्यरत.
  • भारती विद्यापीठ अभिमत विश्वविद्यालय, पुणे या नामवंत शिक्षण संस्थेचे कार्यवाह.
  • काँग्रेसचे ज्येष्ठ नेतेव राज्याचे माजी मंत्री डॉ. पतंगराव कदम यांचेते पुत्र. डॉ. पतंगराव कदम यांच्या निधनामुळे रिक्त झालेल्या सांगली जिल्ह्यातील पलुस-कडेगाव महाराष्ट्र विधानसभा मतदारसंघ पोटनिवडणुकीत डॉ. विश्वजीत कदम यांची बिनविरोध निवड (१४ मे २०१८).
  • २१ ऑक्टोबर २०१९ रोजी झालेल्या महाराष्ट्र विधानसभा सार्वत्रिक निवडणुकीत राज्यात दुसऱ्या क्रमांकाचे विक्रमी मताधिक्य घेऊन दुसऱ्यांदा आमदार म्हणून निवड.

शिक्षण : एम. ए., एम. बी. ए., एम, एल्, एल, पीएच डी.

मराठी विश्वकोश निर्मिती मंडळ

डॉ. श्रीधर दीक्षित, अध्यक्ष, महाराष्ट्र विश्वकोश निर्मिती मंडळ

प्रा. डॉ. श्रीधर (राजा) दीक्षित हे सावित्रीबाई फुले पुणे विद्यापीठाच्या इतिहास विभागात सुप्रतिष्ठित प्राध्यापक (Emeritus Professor) आहेत. 'भारतीय इतिहास अनुसंधान परिषद (ICHR), नवी दिल्ली' या संस्थेचे सदस्य म्हणून त्यांनी काम केलेले आहे. शालेय स्तरापासून विद्यापीठीय स्तरापर्यंत अभ्यासक्रम व पाठ्यपुस्तक निर्मितीच्या क्षेत्रात सुमारे तीन दशके त्यांनी योगदान दिलेले आहे. त्यांच्या चाळीस वर्षांच्या अध्यापन कारकिर्दीत त्यांनी मुख्यतः इतिहास या विषयाचे अध्यापन व संशोधन केले. ते त्यांच्या आंतरविद्याशाखीय अभ्यासामुळेसुद्धा ओळखले जातात. त्यांनी विपुल प्रमाणात काव्य आणि ललित व वैचारिक लेखन केलेले असून विविध ग्रंथांचे लेखन व संपादनही केलेले आहे. 'राजा दीक्षित' या लेखन-नामानेच ते मुख्यतः ओळखले जातात. प्रतिष्ठेचे अनेक पुरस्कार व सन्मान त्यांना प्राप्त झालेले आहेत. 'नवभारत' या वैचारिक मासिकाचे ते संपादक आहेत. नोंदींच्या लेखन-संपादनाच्या निमित्ताने राजा दीक्षित हे मराठी विश्वकोशाशी गेली सुमारे पस्तीस वर्षे संबंधित आहेत. २७ मे २०२१ पासून मराठी विश्वकोश निर्मिती मंडळाचे अध्यक्ष व प्रमुख संपादक म्हणून त्यांची नियुक्ती झालेली आहे.